Taypeyda boʻlib oʻtgan IASDR 2025 konferensiyasi materiallarida ikkita maqola chop etildi.
“Exploring the Role and Syntax of User Scenario Elements: Toward a Structured Framework for User-Centered Engineering Specifications”, prof. KwanMyung Kim bilan hammualliflikda. Action Steps freymvorkidan foydalangan toʻrt kishilik ikkita fanlararo jamoa ishtirokidagi seminar natijalariga tayangan holda maqolada ssenariy mazmunining uch qatlami taklif etiladi: funksional talablarga tayanch boʻladigan xulq-atvor elementlari (foydalanuvchi va tizim harakatlari), oʻlchanadigan shaklda ifodalanishi lozim boʻlgan kontekstual elementlar (maqsadlar, muhit, vositalar) hamda validatsiyani amalga oshirish imkonini beruvchi cheklov elementlari (sonli maqsadli koʻrsatkichlar, xatolik holatlari).
“A Component-Based Approach for Developing Actions in Non-Humanoid Elderly Care Robots”, Danyal Sarfraz boshchiligida, prof. KwanMyung Kim bilan birgalikda. Maqolada ikki gʻildirakli Lemmy robotining harakatlari komponentlar (tezlik, holat, trayektoriya va burilish turi) asosida loyihalanadi; buning uchun 25 nafar keksa yoshdagi kishi ishtirokida afzallik testlari, soʻngra yana 15 nafar ishtirokchi bilan validatsiya oʻtkazilgan. Afzal koʻrilgan komponentlardan tuzilgan harakatlar boshqa kombinatsiyalarga nisbatan yuqoriroq baholandi.
Konferensiya davomida “Designing Personality of Social Robots” amaliy seminarini ham birgalikda olib bordim.
